2

വരി

എഴുതാനില്ലൊരു വരിയും വെറുതേ

ഫോണിനുമുന്നിൽ കുത്തിയിരുപ്പാ.

ഒരു വരിയെഴുതാൻ കണ്ണുകൾ പൂട്ടി-

യൊരാശയമതിനെത്തേടി നടപ്പാ.

വരുന്നു വരിവരിയായീ വരികൾ

വാലും തലയുമിതില്ലെന്നാലും,

വരികൾ വരികൾ വരികൾ മാത്രം

വരിയെഴുതാനുള്ളാശയിൽ നിന്നും.

റഫീഖ്, വയലാർ, ഒ.എൻ.വീ സർ

പുത്തഞ്ചേരിപ്പാട്ടുകൾ പോലെ

ജീവൻ, പ്രണയം, പ്രതീക്ഷ പകരും

വരികൾ ചുരത്താനറിയില്ലെങ്കിലു-

മീരടികൾ, ചെറുപുഞ്ചിരികൾ അവ

വാക്കിൽ ചാലിച്ചെഴുതിക്കൂട്ടണ-

മതിലൊരു കവിതയുമില്ലെന്നറികിലു-

മെഴുതാനുള്ളാെരു കൊതിതീർത്തീടാൻ.

രാവിലെയിക്കഥ പറയുവതെന്തിവ

നെന്തക്കിക്കാം നീ! വെറുതേ

വാക്കുകൾകൂട്ടി കത്തിക്കുന്നതി-

വനേറ്റവുമിഷ്ടം എന്നറിയില്ലേ?

വരികളിലെന്തുണ്ടതുതിരയേണ്ട,

കവിതയുമില്ലീപ്രണയവുമില്ല,

നിരാശ, വിപ്ലവ ചിന്തകളില്ല,

വരികളിലുള്ളത് വരികൾമാത്രം.

ഹരികൃഷ്ണൻ ജി.ജി.

13 ഒക്ടോബർ 2020